«Sautgempton» 40 yoshli darvozabon bilan shartnomani uzaytirdi

Darvozabon Villi Kabalero «Sautgempton» bilan shartnomasini joriy mavsum oxirigacha uzaytirdi, deb xabar beradi klub rasmiy sayti.

40 yoshli futbolchi o'tgan yilning dekabr oyi boshida erkin agent sifatida «avliyolar» safiga qo'shilgan va 5 yanvargacha shartnoma imzolagandi. Ikki asosiy darvozabon - Aleks Makkarti va Freyzer Forster jarohat olgach, «Sautgempton» Kabalero bilan shartnoma imzoladi.

Bir oy davomida Kabalero «Sautgempton» safida Premer-ligada 2 ta o'yin o'tkazib, o'z darvozasidan 5 ta gol o'tkazib yuborgan.