Tripper "Nyukasl"ga o'tgani haqida fikr bildirdi

"Atletiko"dan "Nyukasl"ga o'tgan himoyachi Kiran Tripper APLga qaytishi haqida fikr bildirdi.

“Men bu ajoyib klubga qo'shilganimdan xursandman. Madriddagi davr menga juda yoqdi, biroq “Nyukasl” va Eddi Xauning qiziqishini bilganimda, shu erda faoliyatimni davom ettirmoqchi ekanligimni angladim.

Oldinda bizni juda ko'p ishlar kutib turganini bilaman, lekin Angliya Premer-ligasidagt futbol uslubini juda yaxshi bilaman. “Nyukasl” juda iqtidorli futbolchilarga ega ajoyib klub ekanligini ham menga ma'lum. Jamoaga qo'shilishga sabrim chidamayapti, juda hayajondaman. "Nyukasl" futbolchisi sifatida maydonga tushish - katta sharaf", - deya Tripperning so'zlaridan iqtibos keltiradi klub rasmiy sayti.