“Nyukasl” Vlaxovich uchun aytilgan summani to'lashga tayyor

“Nyukasl” “Fiorentina” hujumchisi Dushan Vlaxovichni sotib olishga jiddiy bel bog'lagan. 

Jurnalist Tankredi Palmerining so'zlariga ko'ra, 21 yoshli serb uchun “qarg'alar” 70 million evro to'lashga tayyor. Bu “Fiorentina” potentsial xaridorlardan talab qiladigan miqdor hisoblanadi.

Biroq futbolchining o'zi ham Premer-liga autsayderi safiga o'tishdan manfaatdor emas.

Vlaxovich joriy mavsumda 22 ta o'yin o'tkazib, 18 ta gol urdi va 3 ta golga assistentlik qildi.