Paragvaylik futbolchi okeanortidan Moskvaga yo'l oldi

«Nyu-York Siti»ning hujumkor yarimhimoyachisi Xesus Medinaning agenti Renato Bettar futbolchi faoliyatini TsSKAda davom ettirishini malum qildi.

«Xesus Medina TsSKA tarkibida o'ynaydi. Shartnoma 3,5 yilga mo'ljallangan. U allaqachon tibbiy tekshiruvdan o'tish uchun yo'lga chiqqan», deydi Bettar.

24 yoshli futbolchi erkin agent sifatida Moskva klubiga o'tadi. 2021 yilgi mavsumda yarimhimoyachi «Nyu-York Siti» tarkibida MLSda 36 ta o'yin o'tkazib, 9 ta gol urdi va 2 ta golli uzatmani amalga oshirdi.