Tuxel Lukakuning "Tottenxem"ga qarshi ko'rsatgan o'yini haqida fikr bildirdi

"Chelsi" bosh murabbiyi Tomas Tuxel "Tottenxem" bilan Angliya Liga kubogi yarim final birinchi o'yinidan so'ng (2:0) shov-shuvli intervyusi tufayli "Liverpul"ga (2:2) qarshi APL o'yinini o'tkazib yuborgan hujumchi Romelu Lukakuni maqtadi.

“Unining bugungi o'yinidan mamnunman. Romelu o'yinda faol qatnashdi va himoyada juda katta yordam berdi, bu juda muhim. U doimo raqib himoyasiga tahdid solib, jismoniy imkoniyatlaridan oqilona foydalana oladi.

To'g'risini aytsam, men buni kutgandim, chunki Romelu bosim va qiyinchiliklarga dosh bera oladi. Biz hamma narsani muhokama qilganimizdan so'ng, men u bugungidek o'yin ko'rsatish uchun etarlicha kuch yig'ganini his qildim", – dedi Tuxel.