"Roma" futbolchisi yangi qonundan keyin emlanadigan bo'ldi

"Roma" futbolchisi Kris Smolling koronavirusga qarshi vaktsina olishni ma'qullaydi. Bu haqida "Roma" ustozi  Joze Mourino ma'lum qildi. U shunday deydi:

"Aslini olganda bunday masalalar mutlaqo shaxsiy tanlov va futbolchilar o'z xavfsizliklarini o'ylashga haqqi bor. Jamoamizda bir nechta futbolchi o'tgan haftada kasallangan edi. Shu sabab vaktsina olishi lozim. Qoidalar bor, qonunlar bor. Italiya hukumati emlanish borasida qaror qabul qildi va biz buni hurmat qilishimiz kerak. Biz futbolchilarga aynan shu narsalarni tushuntirishga harakat qilmoqdamiz".

Smolling hali biror marta emlanmagan edi. Italiyadagi yangi qonundan keyin u ham vaktsina olishga rozi bo'lgan.