“Roma” etakchisi jarohatdan to'liq forig' bo'ldi

“Roma” himoyachisi Leonardo Spinatstsola Italiya terma jamoasi safida Evropa chempionatida olgan og'ir axilles jarohatidan nihoyat to'liq forig' bo'ldi.

Futbolchi oktabr oyi boshida sport zalida ishlashga qaytgan, biroq reabilitatsiya jarayoniga noto'g'ri yondashuv tufayli uning futbol maydoniga qaytish muddati kechikib ketgan.

Mahalliy “Gazzetta dello Sport” gazetasi jurnalistlarining xabar qilishicha, rimliklar bosh murabbiyi 15 yanvardan boshlab, Spinatstsola jamoaning umumiy guruhida mashg'ulotlarni boshlashiga ruxsat beradi.