Yozda “Real”dan kim ketishi-yu, kim kelishi ma'lum

“Real Madrid” rahbariyati yozgi transfer bozori borasida bir qarorga keldi, deb xabar beradi AS. 

Manbaga ko'ra, “qirollik klubi” parijliklar hujumchisi Kilian Mbappeni tekinga qo'lga kiritmoqchi, shuningdek, Dortmundning “Borussiya” klubi hujumchisi Erling Xolandni sotib olmoqchi. Bundan tashqari, Madrid klubi markaziy himoyachi sotib olishni rejalashtirmoqda, maqsadlardan biri – “Chelsi”dan Antonio Ryudiger, klub uni kuzatishda davom etmoqda.

Shu bilan birga, “Real” yarimhimoyachisi Isko, himoyachi Marselo va hujumchi Garet Beylni ketishiga to'sqinlik qilmaydi. Bu futbolchilarning shartnomalari yozda tugaydi va klub ular bilan shartnomani uzaytirmaydi. Shuningdek, “Real” himoyachi Xesus Valexo va yarimhimoyachi Dani Sebalos bilan xayrlashishga tayyor.