Tokio 2020 yo'lida. Bugun O'zbekiston OTJ tojikistonlik futbolchilarga qarshi o'ynaydi

Bugun futbol bo'yicha O'zbekiston OTJ Osiyo chempionati saralash bosqichi doirasida o'zining ikkinchi uchrashuvini o'tkazadi. “F” guruhidan joy olgan jamoamiz saralashning oxirgi turida tojikistonlik tengqurlariga qarshi maydonga tushadi.

Bo'lajak bahsda qo'lga kiritiladigan g'alaba yoki durang jamoamizni kelasi yili bo'lib o'tadigan Osiyo chempionatining ishtirkochisiga aylantiradi. Tailandda o'tadigan qit'a birinchiligi Tokio Olimpiadasiga yo'llanma berishi bilan yanada ahamiyatli. Eslatib o'tamiz, Hindiston OTJga qarshi avvalgi bahsda yurtdoshlarimiz 3:0, tojikistonliklar esa 2:0 hisobida g'alaba qozonishgan edi.

U-23 Osiyo chempionati saralashi
26 mart, «Paxtakor» stadioni. Soat 17:00
O'zbekiston – Tojikiston