Rifat Akramxo'jaev «Lokomotiv» futbol maktabi direktori etib tayinlandi

Yosh va malakali mutaxassis Rifat Akramxo'jaev «Lokomotiv» futbol maktabi direktori etib tayinlandi.

Ma'lumot uchun, Rifat Akramxo'jaev «Lokomotiv»dagi faoliyatini 2019 yilda boshlagan bo'lib, dastlab U-21 jamoada yordamchi murabbiy sifatida ish olib borgan. Ikkinchi davrada esa shu jamoa bosh murabbiyi etib tayinlanib, «Lokomotiv» o'rinbosarlarining U-21 chempionati chempioni bo'lishida munosib hissa qo'shdi.

2020 yil ushbu mutaxassis «Lokomotiv» U-18 jamoasi bosh murabbiyi lavozimida faoliyat olib bordi va U-18 musobaqasida uchinchi o'rinni qo'lga kiritdi. 2021 yil boshida «Surxon» futbol klubiga yo'l olgan Rifat Akramxo'jaev 1 iyul kuni yana «Lokomotiv»ga qaytib, dastlab selektsioner murabbiy, undan keyin U-18 jamoasi bosh murabbiyi bo'lib ishladi.

O'tgan yil 18 yoshgacha futbolchilarimiz Akramxo'jaev qo'l ostida 10ta uchrashuvda maydonga tushib, 8 g'alaba, 1 durang va 2 mag'lubiyat qayd etib ijobiy natija ko'rsatdi.