“Barsa” futbolchisi safga qaytdi

“Barselona” vingeri Usmon Dembele koronavirusdan tuzalib, umumiy guruhda mashg'ulotlarni boshladi. Bu haqda “ko'k-anorranglilar” matbuot xizmati xabar berdi. 

Bir kun oldin Dembele COVID-19 uchun topshirgan testi salbiy natija ko'rsatdi. Futbolchi umumiy guruhga qaytish uchun rasmiy ruxsat oldi.

Bugun tunda “Barselona” navbatdagi o'yinini o'tkazadi. Kataloniyaliklar Ispaniya kubogi 1/16 finalida (Toshkent vaqti bilan 23:30) “Linares” klubi bilan to'qnash keladi.