Rasman! Dani Alves "Barselona" uchun o'yinlarda qatnashishi mumkin

"Barselona" himoyachi Dani Alvesni Ispaniya kubogi 1/16 finalidan o'rin olgan "Linares"ga qarshi o'yin uchun qaydnomaga kiritdi.

Kataloniya klubi rasmiy sayti xabariga ko'ra, 38 yoshli braziliyalik Ispaniya futbol federatsiyasidan muvaffaqiyatli ro'yxatdan o'tgan.

Shu tariqa, Alves ilk bor “Barsa”ning rasmiy o'yin uchun kengaytirilgan tarkibiga kiritildi.

Himoyachining kataloniyaliklar bilan shartnomasi 2021/22 yilgi mavsum oxirigacha amal qiladi.