Luis Enrike: "Ispaniya termasi "Barselona"dan ko'proq gol urmoqda"

Ispaniya terma jamoasi bosh murabbiyi Luis Enrike Evro-2020 saralashida Malta termasiga qarshi o'yin oldidan fikrlari bilan o'rtoqlashdi.

"Ispaniya termasining kam gol urayotgani haqidagi gap-so'zlardan xabardorman. Biz 7 o'yinda 19 ta gol urdik, bu har o'yinda o'rtacha 2,7 ta gol degani. "Barselona" o'rtacha 2,6 ta gol urmoqda va ularda Ispnaiya chempionatidagi eng yuqori ko'rsatkich. Bizning vaziyat yomon deb o'ylamayman", - deydi Enrike.