“Man Siti” amalga oshirgan eng qimmat sotuvlar (top-10)

Umuman olganda,“Manchester Siti” transferlarga katta summa ajratmoqda– 2,3 mlrd evro (faqat “Chelsi” ko'proq - 2,4 mlrd). Lekin, “shaharliklar” rahbariyati faqat xarid qilishni emas, balki futbolchi sotishni ham yaxshigina uddalaydi. Bunga misol sifatida yaqindagina “Barselona”ga sotib yuborilgan Ferran Torresni ko'rish mumkin. Shu sabab, “Stadion.uz” nashri “Man Siti” amalga oshirgan sotuvlar va undan ko'rilgan foyda haqida o'z o'quvchilariga ma'lumot berishga qaror qildi.

 

10. Braim Diaz ⟹ “Real Madrid”, 17 million evro

Kuchli o'nlikning Braim Diazning transferi ochib beradi. “Man Siti” uni yoshligida “Malaga”dan atigi 350 mingga sotib oldi, keyin esa “Real”ga 17 million evroga sotdi. Dias hech qachon “Siti” yoki “Real”da ajoyib o'yinlari bilan muxlislarini xursand qilmagan, ammo hozir “Milan”da yaxshi karerasini qurmoqda.

Foyda: +16,6 million evro;

 

9. Anxelino ⟹ “Leyptsig”, 18 million evro

Gvardiola jamoasidan joy topolmagan yana bir ispaniyalik - Anxelino. O'z vaqtida “Siti”“Deportivo”ning 16 yoshli himoyachisi uchun 4,5 million evro to'lagan, biroq Anxelino “shaharliklar” asosiy jamoasi ro'yxatiga kira olmagan. Bir qator ijaralardan so'ng ispaniyalik himoyachi 18 million evro evaziga “Leyptsig”ga o'tdi.

Foyda: +13,5 million evro;

 

8. Mario Balotelli ⟹ “Milan”, 20 million evro

Balotelli — “Manchester Siti” klubining yana bir muvaffaqiyatsiz transferi. 2010 yilda “Siti” Mario Balotellini “Inter”dan 29,5 million evroga sotib olgandi. Biroq murabbiylar shtabi va klub rahbariyati italiyalikning qiyin va juda tez fe'l-atvoriga chidamadi va uch yildan so'ng Balotelli “Milan”ga arzonlashtirilgan narxda sotib yuborildi. Garchi SuperMarioning “Siti”dagi statistikasi eng yomoni bo'lmasa-da: 80 ta o'yin, 30 ta gol, 7 ta golli uzatma.

Zarar: –9,5 million evro;

 

7. Robino⟹ “Milan”, 21 million evro

Balotellidan oldin ham Robino Manchester - Milan yo'nalishida yo'lga chiqqandi. Braziliyalik futbolchi yangilangan “Man Siti”ning dastlabki yulduzlaridan biri edi, ammo futbolchi bu erda uzoq vaqt o'ynamadi. Uch yil davomida Robino atigi 53 ta o'yin o'tkazib, 16 ta gol urgan. 2010 yilning yozida hujumchi “Milan”ga 21 million evroga sotilgan, bu summa “shaharliklar” uni bir vaqtlar “Real”dan sotib olgan pulining yarmidan ko'pini tashkil qiladi.

Zarar: –22 million evro;

 

6. Keliche Ixeanacho⟹ “Lester Siti”, 27,7 million evro

2014 yilda “shaharliklar”nigeriyalik futbolchi uchun bor-yo'g'i bir million evro to'lagan, uch yildan so'ng esa 27,7 millionga sotishgan. Ajoyib yakun, ammo iqtidorli hujumchi ertaroq qo'yib yuborilmadimi? Iheanacho “Siti” safida Aguero va Jezus bo'lganiga qaramay, 64 ta o'yin o'tkazib, 21 ta gol urgan va 8 ta gol urgan. Ajoyib natija.

Foyda: +26,6 million evro;

 

5. Alvaro Negredo ⟹ “Valensiya”, 28 million evro

Alvaro Negredo– “Man Siti”ning eng tushunarsiz transferlaridan biri. Klub uni 2013 yilning yozida “Sevilya”dan sotib oldi va bir yildan so'ng uni “Valensiya”ga ijaraga berdi va keyinchalik “ko'rshapalaklar” uning shartnomasini to'liq sotib oldi. Biroq, Ixeanacho va Balotelli misolida bo'lgani kabi, Negredoning statistikasi ham ancha yaxshi: 49 ta o'yin, 23 ta gol va 8 ta golli uzatma.

Foyda: +3 million evro;

 

4. Shon Rayt-Fillips ⟹ “Chelsi”, 31,5 million evro

“Man Siti” 2005/06 yilgi mavsumda shayxlarsiz birinchi marta chinakam katta transferni amalga oshirdi. O'sha paytdagi gegemon klub “Chelsi” yosh vinger uchun 31,5 million taklif qilgan. “Siti” bu taklifga ikkilanmasdan rozi bo'ldi. Ammo,  Londonda Rayt-Filips yaxshi o'ynamadi va uch yildan so'ng u yana “Siti”ga qaytdi. 

Foyda: +20,3 million evro;

 

3. Danilo ⟹ “Yuventus”, 37 million evro

Uchinchi o'rinda Daniloning 37 million evro evaziga “Yuventus”ga o'tgani joylashgan. U “Real”dan “Man Siti”ga 30 million evaziga kelgan, ammo futbolchi “shaharliklar” asosiy tarkibidan joy ololmadi. Ikki yil ichida Danilo ellikdan ortiq o'yin o'tkazdi va bir nechta gol urdi, xolos.

Foyda: 7 million evro;

 

2. Ferran Torres “Barselona”,   55 million evro

Ferran Torresning butunlay yangi sotuvi ikkinchi o'rinda. Transfer summasi 55 million evro + mumkin bo'lgan bonuslar sifatida 10 million evro. Kataloniyaliklar futbolchi bilan 5,5 yillik shartnoma imzoladi. Torres “Siti”ga bir necha yil oldin kelgan edi. 2020 yilning yozida “shaharliklar” “Valensiya”dan 33,5 millionga xarid qilishgan edi.

Foyda: 21,5 million evro;

 

1. Leroy Sane ⟹ Bavariya, 60 million evro

Ikki yil avval “Siti” o'z tarixida rekord sotuvga amalga oshirdi. Leroy Sane 60 million evro evaziga “Bavariya”ga yo'l oldi. Biroq, o'z vaqtida “Man Siti” nemis uchun 52 million evro to'laganini inobatga olsak, bu summa u qadar ta'sirchan bo'lmaydi. Manchesterda Leroy Sane ajoyib statistikasi bilan yodda qoldi: 135 uchrashuv, 39 gol, 45 golli uzatma.

Foyda: 8 million evro;

 

P/S. “Manchester Siti” ushbu o'nta transferdan 315 million ishlab topgan. Ammo, klub bu futbolchilar uchun bir vaqtning o'zida qancha to'laganini hisobga oladigan bo'lsak, umumiy sof foyda bor-yo'g'i 85 million evroni tashkil qiladi.

 

Jamshidjon Mahmudov tayyorladi

Manba: stadion.uz