«Krasnodar»ni kim qabul qilib olishi ma'lum

Xabaringiz bor, «Krasnodar» bir kun avval jamoa bosh murabbiyi Viktor Goncharenkoni iste'foga chiqargan edi.

Rus klubi allaqachon belaruslik mutaxassisning o'rniga yangi nomzod tanlab olgan. Bu Rossiya matbuotiga ma'lum bo'ldi.

«Krasnodar»ning yangi murabbiyi serbiyalik murabbiy Marko Nikolich bo'lishi kutilmoqda. O'tgan yili Nikolich Moskvaning «Lokomotiv» klubini boshqargan edi.

Ma'lumot uchun, «Krasnodar» mavsumning kuzgi qismini Premer-liga turnir jadvalida 5-o'rinda yakunladi.