FIFA Pushkash sovrini 3 nafar nomzodni e'lon qildi (video)

Xalqaro futbol assotsiatsiyalari federatsiyasi (FIFA) 2021 yilning eng chiroyli goli — Ferents Pushkash sovriniga nomzodlarning qisqartirilgan ro'yxatini e'lon qildi.

Dastlab kengaytirilgan ro'yxatdan 11 nafar o'yinchi o'rin olgan bo'lsa, so'nggi ro'yxatda 3 nafar futbolchi qoldi. Nomzodlar:

Erik Lamela, «Arsenal» — «Tottenxem» (APL, 14 mart);

Patrik Shik, Chexiya — Shotlandiya (Evro-2020, 14 iyun);

Mehdi Taremiy, «Chelsi» — «Portu» (Chempionlar ligasi, 13 aprel).

Ferents Pushkash sovrini g'olibi 17 yanvar kuni bo'lib o'tadigan FIFAning yil sovrindorlarini taqdirlash marosimida e'lon qilinadi.