Tuxel: «Lukakuning sodiqligiga hech qanday shubha yo'q»

Londonning «Chelsi» klubi bosh murabbiyi Tomas Tuxel jamoa hujumchisi Romelu Lukaku atrofidagi voqealarga o'z munosabatini bildirdi.

«Lukakuning jamoamizga sodiqligiga hech qanday shubha yo'q. U o'z ishiga juda sadoqatli. Mana shuning uchun bu voqea hayratlanarli tus oldi. Romelu hech qachon hech qanday muammo keltirib chiqarmagan.

U juda hissiyotli yigit. Umid qilamanki, muxlislar ham buni qabul qilishadi va qo'llab-quvvatlashadi. Oldinga qadam tashlash vaqti keldi», – dedi Tuxel.