Sardor nega Ronaldu bo'ldi, de Xea emas? Rangnik javob qaytardi

Angliyaning «Manchester Yunayted» klubi bosh murabbiyi Ralf Rangnik nima uchun Xarri Maguayrning jarohatidan keyin sardorlik bog'ichi David De Xeaga emas, balki Krishtianu Ronalduga berilganiga oydinlik kiritdi.

«Ronaldu – «Manchester Yunayted»da o'tkazgan vaqtim mobaynida eng tajribali futbolchi. Ko'rinishidan, u klubda eng ko'p o'ynagan futbolchi.

To'g'risini aytganda Ronaldu va David De Xea o'rtasida sardorni men tanladim. Umuman olganda sardorlik bog'ichini darvozabonga emas, futbolchiga bermoqchi edim, shuning uchun Krishtianuni tanladim», – dedi Rangnik Sky Sports bilan suhbatda.