MYu o'zi uchun rekord summaga yarim himoyachi sotib olishi mumkin

"Manchester Yunayted" "Vest Xem" yarim himoyachisi Deklan Raysga qiziqish bildirmoqda, deya xabar beradi "TodoFichajes".

Manba bergan xabarga ko'ra, mankunianliklar qishki transfer oynasida futbolchi sotib olish niyatida va u uchun 115 million evro to'lashga tayyor. Agar kelishuv amalga oshsa, Rays "Manchester Yunayted" tarixidagi eng qimmat xarid bo'ladi. Klub rekordi yarim himoyachi Pol Pogbaga tegishli bo'lib, u uchun klub 105 million evro to'langan.

22 yoshli Rays joriy mavsumda “Vest Xem” safida barcha turnirlarda 24 ta o'yin o'tkazib, 3 ta gol urdi va 4 ta golli uzatmani amalga oshirdi. Uning klub bilan shartnomasi 2024 yilning yoziga qadar amal qiladi.