"Atletiko" ham "Chelsi" futbolchisi uchun kurashga qo'shildi

Londonning "Chelsi" klubi bilan mavsum yakunida shartnomasi yakunlanadigan Sezar Aspilikueta uchun kurashga "Atletiko" ham qiziqish bildirmoqda.

"Marca" nashrining ma'lumotiga ko'ra, Diego Simeone Aspilikueta o'yinini juda yaxshi ko'radi. Jamoa rahbariyati murabbiyning talabiga ko'ra, Tripperga o'rinbosar izlamoqda. Agarda futbolchi bilan kelishuvga erishilsa, Sezar yozda Madrid klubi safiga kelib qo'shilishi mumkin.

Avvalroq himoyachi uchun "Barselona" asosiy da'vogar ekanligi haqida xabarlar chiqqan edi.