"Inter" A Seriyada 1950 yildan buyon qayd etilmagan natijaga erishdi

Milanning “Inter” klubi 2021 yilgi kalendar davomida A Seriya o'yinlarida 104 ta gol urdi. Bu liga tarixidagi eng ko'p gol urish bo'yicha beshinchi rekord bo'lgan. Bundan yuqoriroq ko'rsatkichlar 1947 va 1950 yillar oralig'ida qayd etilgan. Shu tariqa, jamoa 70 yildan ortiq vaqt ichida birinchi marta bir kalendar yilida Italiya chempionatida yuzdan ortiq gol urishga muvaffaq bo'ldi, deb yozadi "OptaPaolo" Twitter sahifasida.

Ma'lumot uchun, 1950 yilda "Milan" bir yil ichida 120 ta gol urishga muvaffaq bo'lgan. Bu rekord boshqa italyan jamoalari uchun hamon erishib bo'lmaydigan natija bo'lib qolmoqda.