Yanvar oyida “Arsenal” kimlarni sotishi va kimlarni jamoaga olib kelishi kerak?

Yanvar oyida "Arsenal" "Siti" va "Liverpul" bilan ikki martadan o'ynaydi. Ammo ularda havotir yo'q. "Arteta bolalari" bilan hazillashib bo'lmaydi. Uayt himoya ustuniga aylandi, Takexiro Tomiyasu esa jamoaning eng muhim futbolchilaridan biriga. Ammo hech qanday transferni amalga oshirmaslik yaxshi variant emas.

"Arsenal"ning zaif tomonlari

Artetaning sevimli futbolchilari bor - Ramsdeyl, Uayt, Gabriel, Tomiyasu ular mavsum boshidan beri asosiy tarkibga 16 marta kiritilgan. Jarohatdan tiklangan Kiran Tirni esa chap qanotda Nuna Tavaresga tarkibga kirishga imkon qoldirmayapti.

Shunday qilib, “Arsenal” nihoyat barqarorlikka erishdi. Oktyabr va noyabr oylari orasida allaqachon quruq o'yinlar seriyasi bo'lib o'tgan, ammo himoyani kuchaytirish hali ham zarur. Rob Xolding tarkibga qaytgan holatdayam. Shikastlanish va kasallik xavfi juda katta. Yarim himoya haqida ham shunday deyish mumkin – Tomas Partey va Granit Jaka Martin Edegordan keyin eng yaxshi duet bo'lib qolmoqda, biroq ularning o'rniga maydonga tushishi mumkin bo'lgan futbolchilar Muhammad el Nenni va Albert Sambi Lokonga.

"Arsenal"ni kim tark etishi mumkin ?

Per-Emerik Obameyang endi sardor emas va "Arsenal"da uzoq vaqt ushlanib qolmasligi tobora aniq bo'lib qolmoqda. ESPN xabariga ko'ra, "kanonirlar" hujumchini sotishga tayyor, qiziquvchilar orasida allaqachon "Yuventus" va "Barselona" ham bor. Ular birinchi navbatda ijaraga olishga tayyor. Vaziyatni murakkablashtiradigan yagona narsa - haftasiga 250 000 funt sterling maosh.

Aleksandr Lyakazett ham jamoani tark etishi xavfi bor. Uning shartnomasi olti oydan keyin tugaydi. Eddi Nketia, Bernd Leno va Sedrik ketishlari deyarli aniq bo'lib ulgurgan futbolchilar.

Lenoga "Shtutgart" va "Bayer" klublari qiziqmoqda.

Shartnomalar

Aytib o'tganimizdek, Lyakazetning shartnomasi tez orada tugaydi, The Sun muzokaralar yozgacha davom etmasligini ta'kidlamoqda. Bu vaqtga kelib, frantsuz boshqa klub bilan dastlabki shartnoma imzolay oladi. Nketia ham ketishdan manfaatdor. Uning kelajagi Obameyang va Lyakazett bilan bog'liq va u ketishni istayotganini bir necha bor ta'kidlagan.
Kalum Chambers, El Nenni va Kolashinats bu yozda shartnomasiz erkin agentga aylanadi.

"Arsenal" kim bilan shartnoma imzolaydi?

Qishda Obameyangning sotilishi va yozda Lyakazettning ketishi “Arsenal”ni yangi hujumchi izlashga undaydi. "Fiorentina"dan Dushan Vlahovich bu erda favorit bo'lib qolmoqda. "Everton" futbolchisi Dominik Kalvert-Lyuinga Arteta qiziqish bildirgan.
Ayni paytda “Lill” yarim himoyachisi Renatu Sanches yangi jamoaga o'tishga tayyor, lekin Sanches boshqa davogarlar ham etarlicha topiladi.

Tomas Partey va El Nenni Afrika Millatlar kubogiga yo'l oladi, “Arsenal”ning yarim himoyasi esa butunlay zaiflashadi. Bu erda "Marca" "kanonirlar"ning "Yuve" a'zosi Artur Meloga qiziqishini eslatib o'tadi.