Bent: "Chelsi" chempionlik uchun kurashda qolishga urinayotgan paytda Lukakuni maydonga tushirmaslik... Odamlar qanday fikrlayapti?"

"Tottenxem"ning sobiq hujumchisi Darren Bentning aytishicha, "Chelsi" hujumchisi Romelu Lukaku "Liverpul"ga qarshi APLning 21-turi doirasidagi bahsli intervyusi tufayli o'yinga tushmaydi.

"Men Lukaku o'zini noto'g'ri tutganini, unga yarasha jazolanishi kerakligini tushunaman. Ammo uni mavsumning yirik o'yinlaridan birida, chempionlik uchun kurashda qolishga harakat qilayotganingizda, oldingi ikki o'yindagi formasi ajoyib bo'lgan paytda tarkibdan chiqarib yuborish...

Odamlar nima deb o'ylashadi? ” - deb yozdi Bent.

Joriy mavsumda 28 yoshli futbolchi London klubi safida barcha turnirlarda 18 ta o'yinda maydonga tushib, 7 ta gol urdi.

"Chelsi" - "Liverpul" uchrashuvi 2 yanvar kuni "Stemford Brij"da bo'lib o'tadi. Uchrashuv Toshkent vaqti bilan 21:30 da boshlanishi belgilangan.