Ryudiger "Real"ga o'tmaydi

Londonning "Chelsi" klubi himoyachisi Antonio Ryudiger Madridning «Real» jamoasiga o'tmaydi.

ABC nashrining tarqatgan ma'lumotiga qaraganda, "Qirollik klubi" germaniyalik himoyachi bilan shartnoma imzolashni rejalashtirmayapti. «Qaymoqranglilar»ning fikricha, eng muhimi - David Alaba – Eder Militao juftligi. Agar madridliklar markaziy himoyachi sotib olishni xohlashsa, u holda yoshroq futbolchi bilan bu ishni amalga oshiradi.

«Real»dagilarning fikricha, Antonio Ryudigerning agenti klubdan qimmat shartnoma va futbolchi uchun 20 million evro bonus olish uchun foydalanmoqda.

Qayd etib o'tamiz, 28 yoshli Antonio Ryudigerning «Chelsi» bilan amaldagi shartnomasi shu yilning yozida yakunlanadi.