Gvardiola: "APL g'olibligini beringlar, Maldiv orollariga dam olgani ketamiz"

Angliyaning «Manchester Siti» klubi bosh murabbiyi Pep Gvardiola kecha «Arsenal» (2:1) ustidan qo'lga kiritilgan g'alabadan so'ng, APL g'olibligi uchun kurash yakunlanganligi haqidagi savolga hazil tariqasida javob qaytardi.

«Beringlar bizga sovrinni va biz Maldiv orollariga dam olgani ketaylik. Lekin, men bu narsa sodir bo'ladi deb o'ylamayman. Oldimizda yana 48 yoki 51 ochko jamg'ariligi kerak bo'lgan o'yinlar turibdi.

Hozir Angliya Kubogi o'yiniga tayyorgarlik ko'rish uchun 5-6 kun vaqtimiz bor. Keyin yana 5-6 kun mobaynida «Chelsi»ga qarshi bo'ladigan o'yinga hozirlik ko'ramiz. Hozir vaziyat qaltis, koronavirus va jarohatlarni ham hisobga olish kerak», – dedi Gvardiola.