"Tottenxem" tezkor hujumchi sotib olishi mumkin

"Vulverxempton" hujumchisi Adama Traore yanvar oyida "Tottenxem"ga o'tishi mumkin.

"Shporlar" bosh murabbiyi Antonio Konte qishki transfer oynasida Premer-liganing kuchli to'rtligiga kirish uchun jamoani kuchaytirmoqchi, deya "The Sun" nashri xabar berdi.

"Tottenxem" 25 yoshli ispaniyalik futbolchini 2021 yilning yozida sotib olishi mumkin edi, biroq klub "Vulverxempton" talab qilgan 47 million evroni to'lashdan bosh tortgan edi.

Manbaga ko'ra, ingliz klubi bu safar futbolchini qo'lga kiritishga jiddiy bel bog'lagan.