«Yuventus» azaliy raqibida to'p tepgan futbolchini tarkibiga qo'shib oladi

«Yuventus» «PSJ» hujumchisi Mauro Ikardini mavsumning ikkinchi yarmi uchun ijaraga oladi, deya xabar beradi jurnalist Pedro Almeyda.

Manbaga ko'ra, «byankonerilar» parijliklarga 2,5 million evro to'laydi. Turinliklar keyinchalik futbolchini 35 millionga sotib olish imkoniyatiga ega bo'lishadi.

Joriy mavsum 28 yoshli Ikardi barcha turnirlar doirasida 20 ta o'yin o'tkazib, 5 ta gol urgan. Italiyada avval u «Inter»da o'ynagan edi.