«Chelsi» Ryudigerga o'rinbosar topib qo'ygan

ABC xabariga ko'ra, «Real» Antonio Ryudigerning agentlari bilan muzokaralarni yakunlash arafasida.

Avvalroq futbolchi bonus sifatida 20 million evro talab qilgani haqida xabarlar tarqalgandi. Yozda futbolchi erkin agentga aylanadi.

Ryudiger hozirda Premer-liganing eng yaxshi himoyachilaridan biri hisoblanadi. O'z navbatida «Chelsi» ham futbolchi bilan xayrlashishga tayyor.

Xususan, klub direktori Marina Granovskaya Ryudigerning o'rniga nomzodlar topib qo'ygan. Ularning biri «Sevilya» himoyachisi Jyul Kunde hisoblanadi.