"Fiorentina" futbolchisiga Rossiya va BAA klublaridan qiziqish bor

«Fiorentina»ning rossiyalik futbolchisi Aleksandr Kokorin faoliyatini «Ximki» jamoasida davom ettirishi mumkin.

Corriere dello Sport nashrining tarqatgan ma'lumotiga qaraganda, rossiyalik futbolchiga BAA klubi ham davogarlik qilmoqda.

Eslatib o'tamiz, Kokorin Italiya chempionatiga o'tgan yilning qishida «Spartak» jamoasidan ketgandi.

Biroq, jarohat sababli, rossiyalik futbolchi o'zini ko'rsata olmadi va o'sha mavsumda atigi to'rtta uchrashuvda maydonga tushdi.

Joriy mavsumda 30 yoshli Kokorin «Fiorentina»ning beshta uchrashuvida maydonga tushdi.