"Manchester Yunayted" himoyachisi A Seriyaga ko'chib o'tishi mumkin

Aksel Tuanzebe faoliyatini Italiyada davom ettirishi mumkin.

Jurnalist Fabritsio Romano Twitter sahifasida ma'lum qilishicha, neapolliklar "Manchester Yunayted" bilan agentlar orqali bog'lanib, Aksel Tuanzebening potentsial narxi va tahminiy transferni muhokama qilgan. "Napoli" futbolchini sotib olmoqchi, ammo barchasi uning narxiga bog'liq.

Ma'lumot uchun, 24 yoshli himoyachi ayni vaqtda "Aston Villa" safida ijarada harakat qilmoqda. U joriy mavsum APLning 9 o'yinida maydonga tushgan.