"Manchester Yunayted" bu futbolchini qo'lga kiritish uchun qo'lidan kelganini qiladi

MYu qishgi transferlar vaqtida jamoani tark etishi kutilayotgan Entoni Marsyal o'rniga Argentinadan futbolchi xarid qiladi.

Jurnalist Sebastan Shrur xabar qilishicha, Argentinaning "River Pleyt" klubi hujumchisi Xulian Alvares MYuning jiddiy qiziqishlari sabab bo'lmoqda. Futbolchining agenti kelasi hafta Manchesterga kelib klub rahbariyati bilan uchrashuv o'tkazadi.

Ma'lumotlarga ko'ra, "qizil iblislar" forvardni qo'lga kiritish uchun qo'lidan kelganini qiladi.

Qayd etish joiz, uning Argentina klubi bilan amaldagi shartnomasi joriy mavsum oxirida yakuniga etadi. U milliy chempionatning 21 o'yinida maydonga tushib, 18 bor raqiblar darvozasini ishg'ol qilgan.