"Nyukasl" 17 million funtga hujumchi sotib olishi mumkin

"Nyukasl" yanvar oyida Braziliyadan hujumchi xarid qilmoqchi. Xabarlarga ko'ra, "qarg'alar" kelasi oy "Flamengo" futbolchisi Gabriel Barbozani ijaraga olish borasida muzokaralar o'tkazadi.

Jamoa bosh murabbiyi Eddi Xau himoya bilan birga hujumni ham kuchaytirish ishlarini ko'rib chiqmoqda. 25 yoshli Barboza bu mavsumda 14ta gol hamda 5ta assistga mualliflik qildi. "Flamengo" o'z futbolchisi uchun 17 million funt so'rashi aytilgan.