"Ular yoshlarning yo'liga to'g'anoq bo'lmoqda" — Nevill

"MYu"ning sobiq futbolchisi Gari Nevill Krishtianu Ronaldu hamda Bruno Fernandesh haqida fikr bildirdi. U shunday deydi:

"Men bu haqida "Everton"ga qarshi o'yindan keyin fikr bildirgan edim (1-1). O'shanda bahs Sulsherga bosim yuklashini taxmin qilganman va shunday bo'lib chiqdi. Mana bugun ham bu voqea takrorlandi. Hatto, bu narsa "Uotford"ga qarshi bahsda ham yuz bergan edi. Shundan keyin Sulsher ketgan edi.

Ronaldu va Bruno katta futbolchilar. Ammo aynan ular yoshlarni yo'liga to'g'anoq bo'lmoqda. Aynan shu ikkisi qolganlarning kamchiliklari namoyon bo'lishiga sababkordir. Edinson Kavani esa aksincha, maydonda bo'lgan paytda yosh sheriklariga iloji boricha yordam beradi. Shuning uchun men uni doimiy tarkibga kirishi tarafdoriman".

Eslatib o'tamiz, "MYu" safarda "Nyukasl" bilan 1-1 hisobida durang o'ynadi. Kavanining goli mehmonlarga bir ochko taqdim etgan edi.

Manba: futaa.com