Rasman! "Benfika" bosh murabbiyi ishdan bo'shatildi

"Benfika" jamoasi bosh murabbiyi Xorxe Jezus bilan hamkorlikni to'xtatdi. Bu haqda “burgutlar” matbuot xizmati xabar bermoqda.

Qayd etilishicha, tomonlar o'zaro kelishuv asosida shartnomani yirtib tashlashgan. Oldinroq Jezus "Benfika"ning bugungi mashg'ulotiga kelmagani haqida xabarlar tarqalgan edi.

Shu bilan birga, "Benfika" Jesusga yangi ish topmaguncha maosh to'lashda davom etishi ma'lum. Eslatib o'tamiz, Xorxe Jezus boshchiligida "Benfika" Chempionlar ligasining pley-off bosqichiga yo'l oldi va u erda "Ayaks"ga qarshi o'ynaydi.