Rasman! "Barselona" uzoq kutilgan transferni e'lon qildi

"Barselona" "Manchester Siti" hujumchisi Ferran Torresni sotib olganini e'lon qildi.

Futbolchi bilan shartnoma 2027 yilning 30 iyuniga qadar tuzilgan. Unda 1 milliard evro miqdorida tovon puli ko'rsatilgan.

Torresning taqdimoti 3 yanvar kuni bo'lib o'tadi. Xabar qilinishicha, transfer summasi 55 + 10 million evroni tashkil etadi.

Eslatib o'tamiz, Torres “Siti”da 2020 yil avgustidan buyon o'ynab kelayotgan edi. U jamoa safida 43 o'yinda 16 ta gol urdi va 5 ta golli uzatmani amalga oshirdi.