"Alaves" bosh murabbiyini iste'foga chiqardi

"Alaves" rasmiy saytida Xaver Kalexa bosh murabbiylikdan chetlatilganini e'lon qildi. Jamoani Xose Luis Mendilibar boshqaradi, u bilan shartnoma mavsum oxirigacha tuzilgan.

Kalexa shu yilning aprel oyida, jamoa La Ligada so'nggi o'rinni egallab turgan paytda “Alaves”ga murabbiy bo'lgandi. 43 yoshli mutaxassis “Alaves”ni quyi ligaga tushib ketishdan qutqarib qoldi, ammo basklar bu mavsumda hech qanday o'sish ko'rsata olishmadi.

Mendilibar 2015 yildan 2021 yilgacha “Eybar”ni boshqargan. O'tgan mavsum yakunida jamoa Ispaniya oliy divizionidan chiqib ketgandi. Bungacha 60 yoshli mutaxassis Ispaniyaning “Levante”, “Osasuna”, “Atletik”, “Valyadolid” va boshqa klublarida ishlagan.