A Seriyaning uchta klubi TsSKA bilan himoyachi Kekchyu uchun kurashadi

"Feyenoord" himoyachisi Orkun Kekchyu klubini o'zgartirishi mumkin. Avvalroq futbolchiga Moskvaning TsSKA klubi qiziqayotgani haqida xabar berilgandi.

Galasport nashri xabariga ko'ra, futbolchi uchun kurashga A Seriyaning uchta klubi ham kirishgan. "Fiorentina", "Atalanta" va "Roma" Kekchuni o'z tarkibida ko'rishga qarshi emas.

Jurnalistlarning qo'shimcha qilishicha, turkiyalik himoyachini qo'lga kiritish uchun TsSKA eng yaxshi imkoniyatga ega.