O'lim, umidsizlik, kasallik, qo'rquv – Van Deyk hayotidagi eng yomon voqea haqida so'zlab berdi

“Liverpul” va Gollandiya terma jamoasi himoyachisi Virgil van Deyk 7 yil oldin sog'lida bo'lgan muammolar haqida aytib berdi.

Gollandiyalik futbolchi appenditsit, peritonit vabuyrak infektsiya kasalliklariga chalingan.

“Men o'limni ko'ziga tik boqganman, bu hayotimdagi eng qo'rqinchli tajriba bo'lgan. Hayotimda birinchi bor futbol men uchun hech narsa anglatmay qo'ygandi o'shanda. Biz onam bilan Xudoga yolvorganmiz, to'g'risini aytsam har qanday stsenariyni muhokama qilganmiz.

O'sha vaqtda ba'zi bir xujjatlarga ham qo'l qo'yishimga to'g'ri kelgan. Agar vafot etganimda, boyligimni yarmi onamga o'tardi.

Bu savolni hech kim ko'tarishni istamagan edi, lekin bu masalani hal qilmasa bo'lmasdi. Chunki, o'lishimga onamdan boshqa hamma ishongandi.

To'shakda qanday yotganimni eslayman. Men faqatgina telefon va tanamdagi simlarni ko'rganman.

Mening tanam singandi. Hech narsaga qodir emasdim. Hayolimga faqat yomon fikrlar kelardi”, - deydi Van Deyk.