Levandovski Germaniyada yana bir sovrinni qo'lga kiritdi

Myunxenning "Bavariya" klubi hujumchisi Robert Levandovski Kicker jurnali tomonidan Germaniyada "Yil odami" deb topildi.

Polshalik hujumchi "Bavariya" safida ushbu sovrinni qo'lga kiritgan to'qqizinchi a'zosiga aylandi: Erix Ribbek (1992), Tomas Xelmer (1996), Lotar Matteus (1999), Oliver Kan (2001), Mixael Ballak (2002), Frank Riberi (2008, 2013), Bastian Shvaynshtayger (2010) va Xans Flik (2020).

Bu mukofot birinchi navbatda Levandovskining jahon miqyosidagi yutuqlarini tan olinishini anglatadi. Ortda qolgan 12 oy mobaynida Robert Bundesligada raqiblari darvozasini 41 marotaba ishg'ol etdi.