"Aston Villa"ning keyingi bahsi o'z vaqtida o'tkazilmaydigan bo'ldi

APLning 20 turidan o'rin olgan "Lids" hamda "Aston Villa" o'rtasidagi bahs qoldirildi. Bu haqida "Aston Villa" klubining rasmiy saytida xabar berildi. Unda shunday deyiladi:

"Klub "Lids Yunayted" bilan 28 dekabr kungi o'yinni qoldirilishini tasdiqlaydi. Bunga asosiy sabab "Lids" tarkibidagi koronavirus bilan kasallanganlar sonining ko'pligidir. "Aston Villa" barcha "Lids"dagi zararlanganlarga shifo tilab qoladi".

Eslatib o'tamiz, Stiven Jerrard boshchiligidagi "Aston Villa" kecha "Chelsi"ga mag'lub bo'lgan edi.