Marsyal transferi kutilganidan tezroq amalga oshadi

"MYu" futbolchisi Entoni Marsyalning "Sevilya"ga ko'chishi oydinlashmoqda. Estadio Deportivo nashrining xabariga ko'ra, ushbu transfer kutilganidan ertaroq amalga oshadi.

Hujumchining agenti dekabr avvalida o'z mijoziga boshqa jamoa izlashini aytgan edi. "Sevilya" hozirda Marsyal uchun asosiy va yagona qiziquvchi bo'lib qolmoqda.

Ammo andalusiyaliklar hujumchini dastlab ijaraga olish maqsadida. Avvalroq Marsyal hamda Ralf Rangnik o'rtasida muammo borligi haqida xabar qilingan edi.