"Manchester Yunayted" 3 nafar futbolchi uchun 280 mln evro to'lashga tayyor

"Manchester Yunayted" uch nafar portugaliyalik futbolchiga qiziqib qoldi, deb xabar beradi "Mirror".

Manbaga ko'ra, mankunianliklar "Benfika"ning himoyachi va hujumchilari Ruben Diash va Joau Felish, shuningdek, "Sporting" yarim himoyachisi Bruno Fernandeshni xarid qilmoqchi.

Diashning tovon puli 55 mln evroga teng. Felish esa taxminan 120 mln evroga narxlangan. Fernandeshning transfer narxi esa 105 mln evroga baholangan.

19 yoshli Felish joriy mavsumda 32 ta o'yinda 12 ta gol urgan va 6 ta golli uzatmani amalga oshirgan. 21 yoshli Diash hisobida esa 45 ta o'yinda kiritilgan 2 ta gol va 3 ta samarali uzatma bor. 24 yoshli Fernandesh esa 43 ta o'yinda 24 ta gol urgan va 14 ta golli uzatma muallifiga aylangan.