«Nyukasl» kuyov bolani pul bilan "aldamoqchi"

Angliyaning «Nyukasl» klubi "Barselona" futbolchisi Usmon Dembeleni qo'lga kiritish uchun jiddiy qadam tashlamoqchi.

«Qarg'alar» Dembelening erkin agent bo'lib jamoaga qo'shilishi uchun juda katta miqdorda pul va'da qilishmoqda. Dembele kelasi yilning yozida erkin agentga aylanishi haqida Mundo Deportivo xabar bermoqda.

Manbaning yozishiga qaraganda, «Nyukasl» 24 yoshli futbolchi uchun yioiga 15 million evro maosh taklif qilmoqda, shuningdek, shartnoma imzolaganidan so'ng, yana 15 million evro bonus tariqasida bermoqchi. Xabarda yozilishicha, "Nyukasl"ning bu taklifi "Barselona"ni kuni kecha Dembelega qilgan taklifiga qaraganda ancha yaxshi.