Bonuchchi: «Ronaldu oyog'iga nechta zarba qabul qilib olishini biladi»

Turinning «Yuventus» himoyachisi Leonardo Bonuchchi JCh-2022 saralash pley-off bosqichida  Italiya hamda Portugaliya terma jamoalari o'rtasidagi bo'lib o'tishi mumkin bo'lgan uchrashuv haqida fikr bildirdi.

«Italiyani Jahon chempionatida ko'rmagan farzandlarimga sovg'a qoldirmoqchiman.

Krishtianu Ronaldu bilan qo'ng'iroqlashib terma jamoalarimiz o'rtasidagi pley-off bosqichidagi ehtimoliy uchrashuv haqida hazillashdik. Ko'ramiz, maydonda nima ro'y berarkin, lekin Krishtianu oyog'iga necha marta zarba qabul qilib olishini biladi», – dedi Bonuchchi Rai Sport bilan suhbatda.