"MYu"ning sobiq himoyachisi Varanga o'rinbosar kim bo'lishi mumkinligini aytdi

"MYu"ning sobiq himoyachisi Pol Parker "Chelsi" futbolchisi Antonio Ryudiger haqida fikr bildirdi. U shunday deydi:

"Agar u "Chelsi"da qolishga qaror qilsa, bu klubga katta ta'sir o'tkazadi. Albatta, yaxshi tarafdan. Muxlislar uni olqishlab, ko'kka ko'taradi. Endi uni "MYu" o'tishini o'ylab ko'ring. Bu juda katta voqealik bo'lgan bo'lardi. Varandan keyin eng yaxshi nomzod sifatida aynan Ryudigerni aytgan bo'lar edim. U Jahon chempioni va EChL g'olibi. Shunga yarasha katta tajribaga ega. O'ylaymanki, "MYu" Ryudigerga birinchi raqamli da'vogar bo'lishi kerak. Chunki u foydali futbolchi".

"MYu" bu mavsumda himoyalanish borasida katta muammolarga duch kelmoqda. Hozirda jamoa 26ta gol o'tkazib yuborgan.