"Atalanta" himoyachisi jamoadan ketadi

"Atalanta" himoyachi Matteo Lovatoni "Kalyari"ga ijaraga berishga rozi bo'ldi.

Jurnalist Nikolo Skiraning ma'lumotlariga ko'ra, klublar o'rtasidagi shartnoma tuzish uchun uchrashuv dushanba yoki seshanba kuni bo'lib o'tishi kerak.

Avvalroq "Kalyari" 21 yoshli italiyalik futbolchini yanvarda jamoani tark etadigan Diego Godinga o'rinbosar sifatida ko'rayotgani xabar qilingandi.

2021/22 yilgi mavsumda Lovato "Atalanta" tarkibida 7 ta o'yin o'tkazib, 1 ta golli uzatmani amalga oshirgan. Transfermarkt.com portali futbolchining narxini 7 million evroga baholagan.