"Atalanta" Boganing xaridini yakunlashga yaqin

"Sassuolo" hujumchisi Jeremi Boga yaqin orada "Atalanta"ga transferini yakunlaydi, deya xabar beradi jurnalist Fabritsio Romano.

Manba bergan xabarga ko'ra, bugun 24 yoshli ivuarlik futbolchi tibbiy ko'rikdan o'tish va yangi klubi bilan 5 yillik shartnoma imzolash uchun Bergamoga keladi.

2021/22 yilgi mavsumda Boga "Sassuolo" tarkibida 12 ta o'yin o'tkazib, 3 ta golli uzatmani amalga oshirdi. Avvalroq, «Atalanta» futbolchi uchun 22 million evro to'lashi xabar qilingandi.