"Manchester Yunayted" Tripperni qo'lga kirita olmasa, "Leyptsig" futbolchisini sotib olishi mumkin

"Leyptsig" yarim himoyachisi Tayler Adams faoliyatini Angliyada davom ettirishi mumkin, deb xabar beradi "The Athletic".

Manbaga ko'ra, "Manchester Yunayted" 22 yoshli amerikalik futbolchini sotib olishga harakat qiladi. Ingliz klubi Adamsni "Atletiko" himoyachisi Kiran Tripperga muqobil variant sifatida ko'rib chiqmoqda.

Joriy mavsumda Adams "Leyptsig" safida 20 ta o'yin o'tkazib, 6 ta sariq kartochka to'plagan. Transfermarkt portali futbolchining narxini 20 million evroga baholamoqda.

Manba: Sport-Express.ru