"Real" darvozaboni Angliyaga yo'l olishi mumkin

"Nyukasl" "Real" darvozaboni Andrey Luninga qiziqish bildirmoqda, deb xabar beradi "El Nacional".

Manbaga ko'ra, "Qirollik klubi" agar futbolchi uchun sarflagan pulini qoplaydigan taklif tushsa, 22 yoshli ukrainalik futbolchi bilan xayrlashishga tayyor. Madridning “Real” klubi Luninni 2018 yilning yozida “Zarya”dan 8,5 million evroga sotib olgandi.

Lunin butun vaqt davomida "Real Madrid"ning asosiy jamoasida atigi bitta o'yin o'tkazgan, 2020/21 yilgi mavsumda u Ispaniya kubogining uchinchi bosqichida "Alkoyano"ga qarshi o'ynagan (1:2 OT). Transfermarkt.com portali ukrainalikning narxini 3 million evroga baholagan.