Odil Ahmedov O'FA vitse-prezidenti etib tayinlandi

Ayni paytda O'zbekiston futbol assotsiatsiyasining navbatdan tashqari kongressi bo'lib o'tmoqda.

O'zbekiston milliy terma jamoasining sobiq futbolchisi Odil Ahmedov O'FA vitse-prezidenti lavozimi hamda O'FA Ijroiya qo'mitasining a'zoligiga tasdiqlandi.

Shuningdek, O'FA Ijroiya qo'mitasi a'zoligiga quyidagilar tasdiqlandi:

— O'zbekiston Milliy Olimpiya qo'mitasi raisi Shaabduraxmonov Rustam Mavzurovich,

— O'zbekiston Respublikasining Turizm va sport vaziri birinchi o'rinbosari Karimov Avaz Qudratullaevich,

— «O'zbekneftgaz» Aktsioner Jamiyati Boshqaruv raisi Abdullaev Mehriddin Razzoqovich,

— O'zbekiston Respublikasi Oliy sudi raisi Kamilov Kozimjon Fozilovich,

— O'zbekiston milliy teleradiokompaniyasi raisi Xodjaev Alisher Jo'raqulovich.